Colloquia Scholastica - Liber Secundus - Colloquium Primum
Colloquiōrum Scholasticōrum Liber II
Persōnae:
Cornēlius, Mārtiālis
Cornēlius, Mārtiālis
Cornēlius
Quid legis?
Mārtiālis
Līterās.
Cornēlius
Ā quō?
Mārtiālis
Ā patre.
Cornēlius
Quandō accēpistī?
Mārtiālis
Heri, vesperī.
Cornēlius
Quis attulit?
Mārtiālis
Nesciō.
Cornēlius
Nescīs? Quis tibi reddidit eās?
Mārtiālis
Ancilla quaedam ā caupōne.
Cornēlius
Unde sunt datae?
Mārtiālis
Lutetiā, crēdō.
Cornēlius
Quō diē?
Mārtiālis
Nōndum licuit īnspicere.
Cornēlius
Nempe ego tē interpellāvī.
Mārtiālis
Parum refert, nōn adeō sum occupātus.
Cornēlius
Age, perlege tuam Epistolam, ego intereā studēbō.
Mārtiālis
Ego quoque mox idem faciam.