Colloquia Scholastica - Liber Quartus - Colloquium Sextum
Persōnae:
D., N.
D., N.
D.
Quandō vīs adīre domum?
N.
Nesciō. Ubi Deō vīsum fuerit. Id enim pendet ex voluntāte eius, nōn meā.
D.
Quid sī tē accersat pater?
N.
Tunc intelligam Deum sīc velle, ideōque pārēbō.
D.
Quid sī alia fuerit Deī, alia patris tuī voluntās?
N.
Dē hōc nōn est meum disputāre, sed, ut cōnfīdō, pater nōn temere mē
accerset.
D.
Ego quoque nōn aliter sentiō; sed voluī tantisper tēcum fābulārī.
N.
Gaudeō hunc nostrum sermōnem nōn fuisse fābulōsum.
D.
Utinam in Scholīs frequentiōrēs essent sermōnēs eiusmodī!
N.
Tum erunt, cum Deus ipse puerōrum animōs timōre suī affēcerit.
D.
Ergō precēmur eum, ut id brevī contingat.