Colloquia Scholastica - Liber Quartus - Colloquium Secundum

Persōnae:
Alexander, Carolus

Alexander

Ecce! reddō tibi commodātum, et grātiās agō maximās.

Carolus

Nōn est quod agās: sed tū satisne ūsus erās?

Alexander

Satis diū ūsum concessistī, quae tua est hūmānitās.

Carolus

Quotiēs opus erit, quaesō nē parcās rēbus meīs.

Alexander

Nōn parcam, quandō ita iubēs.

Carolus

Pergrātum mihi fēceris.

Alexander

Grātiam habeō maximam; tū vērō nostrīs ūtere, sī quis ūsus fuerit.

Carolus

Nōn est quod moneās; satis meā sponte sum impudēns.

Alexander

Īmō verēcundus nimis.

Carolus

Estō, aliquandō tamen sentiēs.

Alexander

Ita velim; bene valē.

Carolus

Tē servet Dominus Deus