Colloquia Scholastica - Liber Prīmus - Colloquium Unum et Sexagesimum
Persōnae:
Nōmenclātor, Quīdam puer ex turbā, item Ālius
Nōmenclātor, Quīdam puer ex turbā, item Ālius
Nōmenclātor
Heus, puerī, heus, heus, heus!
Quīdam puer ex turbā
Quid clāmitās?
Nōmenclātor
Dēsistendum est ā lūsū.
Quīdam puer ex turbā
Eho ineptē, nōndum quārta exācta est.
Nōmenclātor
Īmō ferē sēmihōra post quārtam.
Quīdam puer ex turbā
Cūr nōn dedistī signum?
Nōmenclātor
Quia tintinnābulī fūnis frāctus est.
item Ālius
Clāmā iterum; sed attolle vōcem.
Nōmenclātor
Heus, puerī, recipite vōs omnēs.
item Ālius
Festīnāte, festīnāte, inquam; urget praeceptor.
Nōmenclātor
Dēsine clāmāre, accurrunt omnēs.