Colloquia Scholastica - Liber Prīmus - Colloquium Undecimum
Persōnae:
A., B.
A., B.
A.
Eāmus ūnā repetītum.
B.
Quid ego repeterem? Nōnne satis est quod sōlus repetīverim?
A.
Sī tantum semel aut bis repetierīs, id parum est ad ēdiscendum.
B.
Īmō circiter deciēs repetīvī.
A.
Id quidem sufficit.
B.
Quid igitur vīs amplius?
A.
Sī vīs certissimē reddere cōram praeceptōre, opus est cum aliquō repetīvisse.
B.
Istud ego nesciēbam: sed tibi libenter assentior.
A.
Faciāmus ergō quod ego tē monēbam.
B.
Equidem nōn recūsō: incipe.