Colloquia Scholastica - Liber Prīmus - Colloquium Tricesimum Septimum
Persōnae:
Augustīnus, Rodigus
Augustīnus, Rodigus
Augustīnus
Quis iste novus liber deaurātus, quem tam magnificē ostentās?
Rodigus
Terentius.
Augustīnus
Ubī impressus?
Rodigus
Lutetiae.
Augustīnus
Quis tibi dedit eum?
Rodigus
Ēmī pecūniā meā.
Augustīnus
Unde nactus erās pecūniam?
Rodigus
Stulte, istud quaeris? quasi vērō fūrātus sim?
Augustīnus
Absit ā mē id cōgitāre: sed animī causā id rogābam.
Rodigus
Nec ego sēriō dictum tuum reprehendī: sed eō mōre iocārī solēmus cum familiāribus.
Augustīnus
Nihil iocārī prohibet, modo nē Deus offendātur. Sed age, ad prōpositum revertāmur: dē quō ēmistī Terentium
istum?
Rodigus
Dē Clēmente.
Augustīnus
Illōne bibliopōlā circumforāneō?
Rodigus
Maximē.
Augustīnus
Quantī cōnstitit?
Rodigus
Decem assibus.
Augustīnus
Nihilne amplius?
Rodigus
Nihil omnīnō.
Augustīnus
Profectō fātīs vīle pretium.
Rodigus
Praesertim cum aurātus, adeōque ēleganter compactus sit.
Augustīnus
Erantne cōdicēs aliī similēs?
Rodigus
Duo vel trēs.
Augustīnus
Dēdūc mē quaesō ad illum.
Rodigus
Eāmus.