Colloquia Scholastica - Liber Prīmus - Colloquium Septuagesimum

Mox aderit praeceptor: repetāmus.

Quid opus est mihi repetītiōne? sōlus repetīvī satis: omnia teneō memoriā.

Quid tum? ‘Quantō saepius repetēs, tantō melius tenēbis’.

Bene monēs: habeō tibi grātiam.

Incipe: tempus abit.

Quārtae dēclīnātiōnis.

Errās, Daniēl: incipiendum est ab exemplō hesternō.

Errāvī, fateor.

Dīc igitur nunc rēctē.

Nōm. Sing. Hoc Sedīle. Gen. huius sedīlis, etc. ad fīnem usque.
Quārtae dēclīnātiōnis nōmina hōc exemplō dēclīnantur, Nōm. Sing. Hic Sēnsus. Gen. huius sēnsūs. Dat. huic sēnsuī.

Hāctenus; audiō praeceptōrem.