Colloquia Scholastica - Liber Prīmus - Colloquium Secundum
Persōnae:
Stephanus, Praeceptor
Stephanus, Praeceptor
Stephanus
Salvē, praeceptor.
Praeceptor
Salvus sīs, mī Stephaniō. Unde venīs tam multō māne?
Stephanus
Ē cubiculō nostrō.
Praeceptor
Quandō surrēxistī?
Stephanus
Paulō ante sextam, praeceptor.
Praeceptor
Quid ais?
Stephanus
Sīc est ut dīcō.
Praeceptor
Tū nimis es mātūtīnus; quis tē expergēfēcit?
Stephanus
Frāter meus.
Praeceptor
An precātus es Deum?
Stephanus
Cum prīmum frāter mē pexuit, precātus sum.
Praeceptor
Quōmodo?
Stephanus
Flexīs genibus et coniūnctīs manibus, dīxī precātiōnem Dominicam cum grātiārum āctiōne.
Praeceptor
Quā linguā?
Stephanus
Anglicā.
Praeceptor
Ō factum bene! quis tē mīsit ad mē?
Stephanus
Nēmō.
Praeceptor
Quid ergō?
Stephanus
Ultrō vēnī.
Praeceptor
Mī animule, quam pulchrum est sapere! Nōnne est ientandī tempus?
Stephanus
Nōndum ēsuriō.
Praeceptor
Quid vīs igitur?
Stephanus
Volō reddere nōmina quotīdiāna, sī tibi placet audīre mē.
Praeceptor
Quidnī placēret? tenēs igitur memoriā?
Stephanus
Teneō, grātiās Deō.
Praeceptor
Age, prōnūnciā.
Stephanus
Sed mihi solēs praeīre Anglicē, et ego Latīnē respondeō.
Praeceptor
Bene monēs; pēne istud oblītus eram: respondē igitur.
Stephanus
Exspectō ut prōpōnās.
Praeceptor
The head.
Stephanus
Caput.
Praeceptor
The top of the head.
Stephanus
Vertex.
Praeceptor
The fore-part.
Stephanus
Sinciput.
Praeceptor
The hinder-part.
Stephanus
Occiput.
Praeceptor
Nunc respondē Anglicē. Caput.
Stephanus
The head.
Praeceptor
Vertex.
Stephanus
The top of the head.
Praeceptor
Sinciput.
Stephanus
The fore-part.
Praeceptor
Occiput.
Stephanus
The hinder-part.
Praeceptor
Quid sī nunc sōlus dicās omnia?
Stephanus
Facile dīcam.
Praeceptor
Ego vērō tē libenter audiam.
Stephanus
Caput, The head.
Vertex, The top of the head.
Sinciput, The fore-part.
Occiput, The hinder-part.
Nōnne bene dīxī, praeceptor?
Praeceptor
Quam optimē.
Stephanus
Laudētur Dominus Deus.
Praeceptor
Ō pulchrum verbum! Ītō nunc petītum ab ancillā ientāculum.
Stephanus
Mālim abs tē accipere, praeceptor, sī tibi nōn est molestum.
Praeceptor
Ō quam tē amō dē istō verbō! age, sequere mē: dabō tibi aliquid bonī, quia tuum rēctē fēcistī officium. Quid
est hoc?
Stephanus
Pānis candidus, White bread.
Praeceptor
Quid haec sunt?
Stephanus
Fīcus āridae, Dry figs.
Praeceptor
Numerā.
Stephanus
Ūna, duae, trēs, quātuor, quīnque, sex.
Praeceptor
Ō lepidum capitulum! Ientā nunc ōtiōsē.