Colloquia Scholastica - Liber Prīmus - Colloquium Quinquagesimum Tertium
Persōnae:
Galatīnus, Buchardus
Galatīnus, Buchardus
Galatīnus
Eugē, dīmissī sumus ad lūdum, audīstīne?
Buchardus
Quidnī audīrem, cum egomet adsuērim?
Galatīnus
Placetne paulisper cōnfābulārī? deinde lūdēmus ūnā.
Buchardus
Māllem ego prius lūdere.
Galatīnus
Atquī difficile est lūdum abrumpere.
Buchardus
Plānē vērum dīcis, et ego in mē sīc experior.
Galatīnus
Quoniam igitur placet tibi mea ratiō, dā nōbīs aliquid argūmentī ad cōnfābulandum.
Buchardus
Īmō tuum est dare, ut quī mē lacessīverīs.
Galatīnus
Aequum dīcis; redde nōmina Latīnē, quae tibi Anglicē prōpōnam.
Buchardus
Quā dē rē prōpōnēs?
Galatīnus
Dē supellectilī.
Buchardus
Tentābō respondēre, modo nē plūra quam decem prōpōnās.
Galatīnus
Ēnumerābō in digitīs, nē forte numerum excēdam. Audī igitur.
Buchardus
Isthic sum.
Galatīnus
A cupboard.
Buchardus
Abacus.
Galatīnus
A bench.
Buchardus
Sella.
Galatīnus
A candlestick.
Buchardus
Candēlābrum.
Galatīnus
A caldron.
Buchardus
Ahēnum.
Galatīnus
Ā pair of bellows.
Buchardus
Follis.
Galatīnus
A pillow.
Buchardus
Pulvīnar.
Galatīnus
A balster.
Buchardus
Cervīcal.
Galatīnus
Linen-cloth.
Buchardus
Linteum.
Galatīnus
A pot of earth.
Buchardus
Ōlla.
Galatīnus
A flagon of wine.
Buchardus
Oenophorum.
Galatīnus
Errāstī semel.
Buchardus
Ubī?
Galatīnus
Dīxistī ‘linteum’ prō ‘lōdīce’.
Buchardus
Fateor: dēbeō tibi semel victōriam.
Galatīnus
Nunc vicissim prōpōne, ut redimās, sī potes.
Buchardus
Vīs respondēre dē edūliīs?
Galatīnus
Ut libet.
Buchardus
Fresh meat.
Galatīnus
Carō recēns.
Buchardus
Pork.
Galatīnus
Suilla.
Buchardus
Venison.
Galatīnus
Ferīna.
Buchardus
Venison of a wild boar.
Galatīnus
Aprūgna.
Buchardus
Sod milk.
Galatīnus
Lac dēcoctum.
Buchardus
Whey.
Galatīnus
Sērum, vel sērum lactis.
Buchardus
New cheese.
Galatīnus
Cāseus recēns.
Buchardus
Pottage.
Galatīnus
Iūs carnium.
Buchardus
Fish sod.
Galatīnus
Piscis clīxus.
Buchardus
Pickle.
Galatīnus
Condīmentum.
Buchardus
Falleris.
Galatīnus
Quid ergō est?
Buchardus
Intīnctus.
Galatīnus
Condīmentum volō.
Buchardus
At ego nōlō contendere.
Galatīnus
Quis contendit? cōnsulāmus.
Buchardus
Quīn prius lūdāmus; illud fīet posterius.
Galatīnus
Age, fīet, nē āmittāmus lūdendī occāsiōnem.