Colloquia Scholastica - Liber Prīmus - Colloquium Quinquagesimum Sextum
Persōnae:
M., R.
M., R.
M.
Vīsne īre mēcum?
R.
Quō properās?
M.
Ad lacum.
R.
Quid eō?
M.
Lōtum pedēs.
R.
Ī sānē; nunc lōtiōne mihi opus nōn est.
M.
Sed interim parum fābulābimur.
R.
Nē fābulārī quidem nunc velim.
M.
Atquī ūtilis est cōnfābulātiō, duntaxat dē honestīs rēbus.
R.
At mihi ūtilior est ad valētūdinem exercitātiō corporis.
M.
Quid sī mānserō tēcum?
R.
Prūdenter faciēs, et nōs pīlā palmāriā collūdēmus.
M.
Bene vertat Deus: maneō.
R.
Aliās lōtum ūnā tēcum ībō: cum scīlicet longius erit temporis spatium.
M.
Ad lūdum igitur nōs accingāmus.
R.
Nūlla est in mē mora.