Colloquia Scholastica - Liber Prīmus - Colloquium Quinquagesimum Septimum

Persōnae:
Vincentius, Bonus

Vincentius

Cūr hodiē nōn lūsistī nōbīscum?

Bonus

Nōn erat mihi lūdendī spatium.

Vincentius

Quid habēs negōtiī?

Bonus

Nōn absolveram pēnsum meum.

Vincentius

Quod pēnsum?

Bonus

Dīmidium exemplāris restābat mihi perscrībendum.

Vincentius

Perfēcistīne?

Bonus

Perfēcī.

Vincentius

Laudō tuam dīligentiam: lūdēs aliās ōtiōsē.

Bonus

Cum voluerit Deus.

Vincentius

Rēctē dīcis: nam absque voluntāte eius fierī nihil potest.