Colloquia Scholastica - Liber Prīmus - Colloquium Quadragesimum Septimum
Persōnae:
Columbirius, Simō
Columbirius, Simō
Columbirius
Restatne tibi multum pānis?
Simō
Satis, grātia Deō.
Columbirius
Vīsne dare mihi mūtuō?
Simō
Libenter.
Columbirius
Sed fortasse tibi nōn sufficiet.
Simō
Īmō, ut spērō.
Columbirius
Ad quod usque tempus?
Simō
Ad diem Veneris.
Columbirius
Unde habēbis posteā?
Simō
Domō.
Columbirius
Quis afferet?
Simō
Egomet ībō petītum.
Columbirius
Quandō?
Simō
Ipsō diē Veneris.
Columbirius
Dā mihi mūtuō sēsquilībram.
Simō
Quis appendet?
Columbirius
Uxor praeceptōris, aut ancilla.
Simō
Eāmus petītum ex arcā meā.
Columbirius
Quīn ītō sōlus: ego in culīnā exspectābō.