Colloquia Scholastica - Liber Prīmus - Colloquium Quadragesimum Quartum
Persōnae:
Morellus, Borussardus
Morellus, Borussardus
Morellus
Abiitne pater tuus?
Borussardus
Abiit.
Morellus
Quotā hōrā?
Borussardus
Prīmā pōmerīdiānā.
Morellus
Quid dīxit tibi?
Borussardus
Multīs verbīs monuit mē, ut dīligenter studērem.
Morellus
Utinam sīc faciās.
Borussardus
Faciam, Deō iuvante.
Morellus
Ecquid pecūniae dedit tibi?
Borussardus
Dedit, ut ferē solet.
Morellus
Quantum?
Borussardus
Nihil ad tē.
Morellus
Fateor: sed tamen quid faciēs istā pecūniā?
Borussardus
Emam chartam, et alia quae mihi sunt ūsuī.
Morellus
Quid sī āmīseris?
Borussardus
Aequō animō ferendum erit.
Morellus
Quid sī forte eguerō? dabisne mūtuō?
Borussardus
Dabō, et equidem libenter.
Morellus
Habeō tibi grātiam.