Colloquia Scholastica - Liber Prīmus - Colloquium Quadragesimum
Persōnae:
Noaeus, Capellus
Noaeus, Capellus
Noaeus
Vīdistīne librum meum?
Capellus
Quem librum quaeris?
Noaeus
Cicerōnis Epistolās.
Capellus
Ubī relīquerās?
Noaeus
Oblītus eram in audītōriō.
Capellus
Tua fuit negligentia.
Noaeus
Fateor: sed interim indicā, sī quem sciās accēpisse.
Capellus
Cūr nōn adīs praeceptōrem? solet enim (ut scīs) quae ā nōbīs relicta sunt aut ferre in musaeolum, aut alicui
dare quī reddat.
Noaeus
Bene monēs. Ō mē oblīviōsum, cui id in mentem nōn vēnit!