Colloquia Scholastica - Liber Prīmus - Colloquium Duodetricesimum
Persōnae:
Othomānus, Philobertus
Othomānus, Philobertus
Othomānus
Vīsne mihi dare ūnicam pennam?
Philobertus
Nōn sīc dantur mihi.
Othomānus
Hem! rem tantillam mihi negās? quid sī magnum quid rogārem?
Philobertus
Fortasse repulsam ferrēs.
Othomānus
Crēdō equidem: age, nōn petō dōnō, saltem commodābis?
Philobertus
Nōn recūsō, modo nē abūtāre.
Othomānus
Nōn abūtar.
Philobertus
Cavē nē hinc pedem moveās.
Othomānus
Nusquam moveō.