Colloquia Scholastica - Liber Prīmus - Colloquium Duodesexagesimum
Persōnae:
Prīmus puer, Puerī, Praeceptor, Secundus puer, Tertius puer
Prīmus puer, Puerī, Praeceptor, Secundus puer, Tertius puer
Puerī
Salvē, praeceptor.
Praeceptor
Sit vōbīs salūs ā Chrīstō.
Puerī
Āmēn.
Praeceptor
Iamne repetīvistis?
Prīmus puer
Etiam, praeceptor.
Praeceptor
Quis docuit vōs?
Prīmus puer
Subdoctor.
Praeceptor
Quid nunc vultis?
Secundus puer
Ut per tē liceat nōbīs parumper lūdere.
Praeceptor
Nōn est lūdendī tempus.
Tertius puer
Nōn petimus omnibus, sed nōbīs parvulīs tantum.
Praeceptor
Atquī pluit, ut vidētis.
Secundus puer
Lūdēmus in pergulā.
Praeceptor
Quō lūsū?
Secundus puer
Aciculīs, vel iūglandibus.
Praeceptor
Quid mihi dabitis?
Prīmus puer
Dīcēmus nōmina.
Praeceptor
Quot dicētis singulī?
Secundus puer
Duo.
Praeceptor
Dīcite igitur.
Prīmus puer
Paper, Charta; Ink, Ātrāmentum. Dīxī.
Secundus puer
A Book, Liber; A Little book, Libellus. Dīxī.
Tertius puer
A Cherry, Cerasum; Walnuts, Iūglandēs. Dīximus.
Praeceptor
Quam bellī estis homunculī? Lūdite ad coenam usque.
Puerī
Grātiās agimus, praeceptor.