Colloquia Scholastica - Liber Prīmus - Colloquium Decimum Quartum
Persōnae:
Cōmēs, Olivērius
Cōmēs, Olivērius
Cōmēs
Quid āctum est in audītōriō hōrā tertiā?
Olivērius
Tractātae sunt ōrātiōnis partēs ex praelēctiōne.
Cōmēs
Nihilne amplius?
Olivērius
Dīxissem, nisi mē interpellāssēs.
Cōmēs
Errāvī; Perge.
Olivērius
Posteā dictāvit praeceptor argūmentum Anglicum hodiē vertendum.
Cōmēs
Quandō reddendum?
Olivērius
Crās merīdiē.
Cōmēs
Iamne vertistī?
Olivērius
Utcunque.
Cōmēs
Dictā mihi, quaesō, vernāculum.
Olivērius
Accipe, festīnā; nam habeō aliquid scrībere.