Colloquia Scholastica - Liber Prīmus - Colloquium Decimum
Persōnae:
A., B.
A., B.
A.
Dīc Latīnē, Let us say our lesson together.
B.
Repetāmus ūnā praelēctiōnem.
A.
Haec ōrātiō quot habet partēs?
B.
Trēs.
A.
Discerne singulās nōminātim.
B.
Repetāmus est verbum: Ūnā, adverbium: Praelēctiōnem, nōmen.
A.
Dēclārā paulō plānius.
B.
Tū igitur praeītō mihi, ut solet praeceptor.
A.
Repetāmus.
B.
Repetō, repetis, repetere, coniugātiōnis tertiae, sīcut, Legō, legis, legere: Praeteritum, repetīvī:
Supīnum, repetītum: Participia, repetēns, et repetītūrus.
A.
Ūnā.
B.
Nōn dēclīnātur, quia est adverbium hōc in locō; Anglicē, Together.
A.
Praelēctiōnem.
B.
Praelēctiō, praelēctiōnis, f. g. The lesson or lecture.