Dialogi Sacri - Dialogus Tricēsimus Tertius (Liber Secundus)
Ioas. 4 Rēgum 13.
Ioas Israēlitārum rēgī sē aegrotum vīsentī, praedīcit Elīsaeus victōriās, quās sit dē Syrīs rēx relātūrus.
Persōnae:
Ioas Rēx Israēlitārum, Elīsaeus
Ioas Rēx Israēlitārum, Elīsaeus
Ioas
Heu pater patriae, heu columen Israēlitārum! Tū quidem nunc aeger iacēs.
Elīsaeus
Nōn est ēiulandī tempus. Cape arcum et sagittās.
Ioas
Ēn cape. Quōrsum?
Elīsaeus
Impōne manum arcuī.
Ioas
Fēcī.
Elīsaeus
Aperī fenestram obversam Orientī.
Ioas
Aperiō.
Elīsaeus
Iaculāre. Hem sīc volō. Collineāstī. Ista est salūtāris nōbīs, mortifera Syrīs sagitta, quōs tū in Aphekō, Deī praesidiō, occīsiōne occīdēs. Sed perge porrō, cape sagittās.
Ioas
Cēpī: quid tum?
Elīsaeus
Terī terram. Ō factum male! sī quinquiēs percussissēs, aut sexiēs, tum poterās Syrōs dēlēre funditus. Nunc eōs ter tantum superābis, quotiēs vidēlicet terram pulsāvistī.
Sententia
In vāte plūs est praesidiī, quam in exercitū. Vātis mors est et rēgī dēplōranda. Fāta abstrūsa sunt.
In vāte plūs est praesidiī, quam in exercitū. Vātis mors est et rēgī dēplōranda. Fāta abstrūsa sunt.