Dialogi Sacri - Dialogus Vicesimus Quintus (Liber Quartus)
Fīliī Zebedaeī. Matth. 20. Marc. 10.
Iēsus, Iacōbō & Iōannī rēgnum cupientibus, crucem prōpōnit.
Persōnae:
Māter Iacōbī & Iōannis, Iēsus, Iacōbus & Iōannēs
Māter Iacōbī & Iōannis, Iēsus, Iacōbus & Iōannēs
Māter
Magister, volēbant quiddam ā tē petere hī meī duo fīliī.
Iēsus
Quidnam id est?
Māter
Ut tibi, cum splendōrem & imperium fueris adeptus, alter dexter, alter sinister, assideāmus.
Iēsus
Nescītis quid petātis: potestisne idem mēcum pōculum ēbibere, eādemque lōtiōne abluī?
Iacōbus & Iōannēs
Possumus.
Iēsus
Meum quidem pōculum bibētis, meāque lōtiōne lavābiminī: Sed, ut mihi dextrā laevāque assideātur, nōn est meum dare, nisi iīs quibus id parātum est ā Patre meō.
Sententia
Ad rēgnum Deī nōn nisi per crucem venitur; tamen nōn hominis meritum, sed Deī dōnum est.
Ad rēgnum Deī nōn nisi per crucem venitur; tamen nōn hominis meritum, sed Deī dōnum est.