Dialogi Sacri - Dialogus Septimus (Liber Quartus)
Piscātōrēs. Lūcae 5.
Iactō rēti iussū Iēsū plūrimōs piscēs capiunt.
Persōnae:
Iēsus, Petrus
Iēsus, Petrus
Iēsus
Subdūc in altum cymbam, Petre, ut rētia ad praedam.
Petrus
Praeceptor, tōtam noctem labōrantēs nihil cēpimus: sed tamen, post quam ita iubēs, dēmergam rēte.
Iēsus
Ō rem mīram! Adeste, sociī, adiuvāte nōs. Rumpitur rēte: ita multīs piscibus est plēnum.
Petrus
Corripite tū istās plagās altrīnsecus, vōs vōs immergite in nāviculam. Dēsinite, dēsinite, sustinēte rēte: iam haec plēna est. Īnfundāmus in alteram. Ō rem inaudītam! paene submergunt cymbae prae piscium multitūdine. Quaesō tē, Domine, abī ā mē: nam homō nocēns sum.
Iēsus
Nē metue; deinceps iam hominēs piscāberis.
Sententia
Absque Chrīstō piscārī, hoc est, hominēs docēre, operam lūdere est. Chrīstō auspice, fēlīx est piscātūra.
Absque Chrīstō piscārī, hoc est, hominēs docēre, operam lūdere est. Chrīstō auspice, fēlīx est piscātūra.